REMEMBER: ಕೋವಿಡ್19 ಸಾಂಕ್ರಾಮಿಕ ಸಮಯದಲ್ಲಿ ಮಕ್ಕಳೊಂದಿಗೆ ಬದುಕುವುದು
Hesham Hamoda, MD, MPH
Staff Psychiatrist, Boston Children’s Hospital
Assistant Professor, Harvard Medical School
Illustrations by: Dr. Serag Eldin Kamel
TRANSLATED BY: DR SOWMYASHREE MAYUR KAKU, (MBBS, PH.D), BANGALORE, INDIA
ಕೋವಿಡ್ 19 ಸಾಂಕ್ರಾಮಿಕ ಪ್ರಕರಣಗಳು 135 ದೇಶಗಳಲ್ಲಿ ಹರಡುತ್ತಿರುವುದನ್ನು ಡಬ್ಲ್ಯೂ ಹೆಚ್ ಓ (WHO) ವರದಿ ಮಾಡಿದೆ (ಮತ್ತಷ್ಟು ವಿಸ್ತರಿಸುವ ಸಾಧ್ಯತೆ ಇದೆ). ಇದು ವಿಶ್ವದಾದ್ಯಂತ ಲಕ್ಷಾಂತರ ಮಕ್ಕಳ ದೈನಂದಿನ ಜೀವನದ ಮೇಲೆ ಪರಿಣಾಮ ಬೀರಿದೆ.
ನೀವು ಕೋವಿಡ್ 19 ಸುದ್ದಿಗಳಲ್ಲಿ ಮುಳುಗಿಹೋಗಿದ್ದೀರಾ? ನೀವು ಒಬ್ಬಂಟಿಯಾಗಿಲ್ಲ! “REMEMBER” ಅನ್ನು ಬಳಸಿ ಈ ಕಷ್ಟದ ಸಮಯದಲ್ಲಿ ಪೋಷಕರು ತಮ್ಮ ಮಕ್ಕಳನ್ನು ಬೆಂಬಲಿಸುವ ಕೆಲವು ಸುಲಭ ಮಾರ್ಗಗಳು ಇಲ್ಲಿವೆ.
1. REASSURE THEM – ಅವರಿಗೆ ಭರವಸೆ ನೀಡಿ: ಸದಾ ಅವರಿಗಾಗಿ ನೀವು ಇರುತ್ತೀರಿ ಮತ್ತು ನೀವು ಅವರನ್ನು ಸುರಕ್ಷಿತವಾಗಿರಿಸುತ್ತೀರಿ ಎಂದು ಅವರಿಗೆ ವಿಶ್ವಾಸ ಮೂಡಿಸಿರಿ. ಅದೃಷ್ಟವಶಾತ್, ಈ ಸಮಯದಲ್ಲಿ ಲಭ್ಯವಿರುವ ಮಾಹಿತಿಯ ಪ್ರಕಾರ, ಹಿರಿಯರಹಾಗೆ ಮಕ್ಕಳಿಗೆ ಗಂಭೀರ ಕಾಯಿಲೆ ಬರುವುದಿಲ್ಲ ಎಂದು ಸೂಚಿಸುತ್ತದೆ.
2. EMPOWER THEM – ಶಕ್ತಿ ತುಂಬಿ: ಇತರರನ್ನು ನೋಡಿಕೊಳ್ಳುವ ಮತ್ತು ಅವರ ಸಮುದಾಯದ ಬಗ್ಗೆ ಯೋಚಿಸುವ ಮೌಲ್ಯಗಳನ್ನು ಕಲಿಯಲು ಅವರಿಗೆ ಅವಕಾಶ ನೀಡಿ. ಮುಂಚೂಣಿಯ ಆರೋಗ್ಯ ಕಾರ್ಯಕರ್ತರಿಗೆ ಧನ್ಯವಾದಗಳ ಟಿಪ್ಪಣಿಗಳನ್ನು ಬರೆಯಿರಿ (ನಂತರ ತಲುಪಿಸಬಹುದು), ಪರಿಹಾರ ಕಾರ್ಯಗಳಿಗೆ ದಾನ ಮಾಡಿ, ವಯಸ್ಸಾದ ನೆರೆಹೊರೆಯವರನ್ನು ಪರೀಕ್ಷಿಸಲು ಕರೆ ಮಾಡಿ ಅಥವಾ ಅವರ ಬಾಗಿಲ ಅಡಿಯಲ್ಲಿ
“ನೀವು ಹೇಗಿದ್ದೀರಿ, ನಿಮ್ಮ ಬಗ್ಗೆ ಯೋಚಿಸುವೆ” ಎಂದು ಪತ್ರ ಬರೆದು ಜಾರಿಸಿ.
3. MAINTAIN YOUR CALM – ನಿಮ್ಮ ಸ್ವಂತ ಶಾಂತತೆಯನ್ನು ಕಾಪಾಡಿಕೊಳ್ಳಿ: ಮೊದಲು ನಿಮ್ಮ ನಾಡಿಮಿಡಿತವನ್ನು ನಿಯಂತ್ರಣದಲ್ಲಿ ಇರಿಸಿ! ನೀವು ಏನು ಹೇಳುತ್ತೀರೋ ಅದನ್ನು ಮಕ್ಕಳು ಅನುಕರಿಸುತ್ತಾರೆ. ನಿಮ್ಮ ಸ್ವಂತ ಸ್ವಯಂ ಆರೈಕೆ ಸಹ ಮುಖ್ಯ. ನಿಮ್ಮ ಒತ್ತಡವನ್ನು ನಿವಾರಿಸಿಕೊಂಡು, ಅವರ ಒತ್ತಡವನ್ನು ನಿವಾರಿಸಲು ಪ್ರಯತ್ನಿಸಿ.
4. ENGAGE THEM – ಮಕ್ಕಳನ್ನು ಸಕ್ರಿಯವಾಗಿಡಿ: ಮನೆಯಲ್ಲಿ ಹೆಚ್ಚು ಗುಣಮಟ್ಟದ ಕುಟುಂಬ ಸಮಯವನ್ನು ಕಳೆಯಲು ಇದು ಒಂದು ಅವಕಾಶವಾಗಬಹುದು! ಅವರನ್ನು ಕಾರ್ಯನಿರತಗೊಳಿಸಲು ಮನೆಯ ಒಳಗೆ ಆಡಬಹುದಾದ ಆಟಗಳನ್ನು ಆಡಿಸಿ, ಒಳ್ಳೆಯ ಚಲನ ಚಿತ್ರಗಳನ್ನು ತೋರಿಸಿ, ಅಥವಾ ಅಡುಗೆ ಮಾಡುವಾಗ ಅವರನ್ನು ತೊಡಗಿಸಿಕೊಳ್ಳಿ. ಸಕ್ರಿಯವಾಗಿರಲು ಕುಟುಂಬ ನೃತ್ಯ ಕೂಟವನ್ನು ನೀವು ಯೋಜಿಸಬಹುದೇ?
5. MANAGE THEIR EMOTIONS – ಅವರ ಭಾವನೆಗಳನ್ನು ನಿರ್ವಹಿಸಿ: ಅವರಿಗೆ ಪ್ರಶ್ನೆಗಳನ್ನು ಕೇಳಲು, ಸಾಂಕ್ರಾಮಿಕ ರೋಗದ ಬಗ್ಗೆ ಅವರ ಭಾವನೆಗಳನ್ನು ಚರ್ಚಿಸಲು ಅವಕಾಶ ನೀಡಿ. ಅದು ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ತಿಳಿಸಿ. ಶಾಲೆಯ ಮುಚ್ಚುವಿಕೆಯಿಂದಾಗಿ ಅವರು ತಮ್ಮ ಸ್ನೇಹಿತರಿಂದ ಮತ್ತು ಸಾಮಾನ್ಯ ದಿನಚರಿಯಿಂದ ದೂರವಿದ್ದರೆ ಇದು ಇನ್ನಷ್ಟು ಮುಖ್ಯವಾಗಿದೆ. ಎಲ್ಲಾ ಪ್ರಶ್ನೆಗಳಿಗೆ ಉತ್ತರಗಳು ಇಲ್ಲದಿದ್ದರೂ ಮಕ್ಕಳು ಹೇಳುವುದನ್ನು ನೀವು ಕೇಳುವಿರಿ ಎಂಬ ಭರವಸೆ ನೀಡಿರಿ. ಆಳವಾದ ಉಸಿರಾಟ ಮತ್ತು ಧ್ಯಾನದಂತಹ ವಿಶ್ರಾಂತಿ ತಂತ್ರಗಳನ್ನು ಅವರಿಗೆ ಕಲಿಸಲು ಇದು ಒಂದು ಅವಕಾಶವಾಗಬಹುದು.
6. BEWARE – ಹುಷಾರು: ಮಾಧ್ಯಮ ದರ್ಶನ ಮಕ್ಕಳಿಗೆ ಅಗಾಧವಾಗಬಹುದು ಮತ್ತು ಯಾವಾಗಲೂ ನಿಖರವಾದ ಮಾಹಿತಿಯನ್ನು ಹೊಂದಿಲ್ಲದಿರಬಹುದು.
7. EDUCATE THEM – ಶಿಕ್ಷಣ ನೀಡಿ: ಪದೇ ಪದೇ ಕೈ ತೊಳೆಯುವುದು, ಕೆಮ್ಮುವಾಗ ಮುಖ ಮತ್ತು ಬಾಯಿ ಮುಚ್ಚಿಕೊಳ್ಳುವುದು ಮುಂತಾದ ಉತ್ತಮ ಅಭ್ಯಾಸಗಳ ಬಗ್ಗೆ ಅವರಿಗೆ ತಿಳಿಸುವ ಅವಕಾಶ ಇದಾಗಿದೆ. ವಿಜ್ಞಾನದಲ್ಲಿ ಕುತೂಹಲ ಮೂಡಿಸಲು ಪ್ರಯತ್ನಿಸಿ. “ವಿಜ್ಞಾನಿಗಳು ಕೋವಿಡ್ ನಂತಹ ಅನೇಕ ರೋಗಗಳಿಗೆ ಲಸಿಕೆ ಹೇಗೆ ಕಂಡು ಹಿಡಿಯುತ್ತಾರೆ?” “ಆಸ್ಪತ್ರೆಗಳಲ್ಲಿ ದಾದಿಯರು ಅನಾರೋಗ್ಯವನ್ನು ನೋಡಿಕೊಳ್ಳುವ ಅದ್ಭುತ ಕೆಲಸ ಏನು?” “ಈ ದಿನಗಳಲ್ಲಿ ನಮ್ಮೆಲ್ಲರನ್ನೂ ಸುರಕ್ಷಿತವಾಗಿರಿಸುವುದರಲ್ಲಿ ಕ್ಲೀನರ್‌ಗಳ ಕೆಲಸ ಎಷ್ಟು ಮಹತ್ವದ್ದಾಗಿದೆ?”ಎಂಬ ಉದಾಹರಣೆಗಳೊಂದಿಗೆ ಮಕ್ಕಳನ್ನು ಪ್ರೇರಿಸಿ.
8. ROUNTINES – ದಿನಚರಿ: ಆದಷ್ಟು ದಿನಚರಿಯನ್ನು ಪಾಲಿಸಲು ಪ್ರಯತ್ನಿಸಿ.
ಒಟ್ಟಾಗಿ ಊಟ ಮಾಡುವುದು, ಮಲಗುವಾಗ ಕತೆಗಳನ್ನು ಓದುವುದು, ಮಕ್ಕಳ ಜೊತೆಯಲ್ಲಿ ಸಿನಿಮಾ ನೋಡುವುದು, ಇತ್ಯಾದಿಗಳನ್ನು ಪ್ರತಿದಿನ ಮುಂದುವರಿಸಿ. ವ್ಯಾಯಾಮ ಮಾಡಿಸುವುದು, ಚೆನ್ನಾಗಿ ನೀರು ಕುಡಿಯುವುದು ಇತ್ಯಾದಿ ಅಭ್ಯಾಸಗಳನ್ನು ದಿನನಿತ್ಯ ಅನುಸರಿಸಿ. ಒಳ್ಳೆಯ ಗಾಳಿ ಸೇವನೆಗಾಗಿ ಮನೆಯ ಮಹಡಿಯ ಮೇಲೆ ಅಥವಾ ಮನೆಯ ಹಿಂಭಾಗದ ಅಂಗಳದಲ್ಲಿ ಮಕ್ಕಳನ್ನು ಕರೆದುಕೊಂಡು ಹೋಗಿ.
